Mille Miglia е легендарен настан, а Alfa Romeo ја слави својата долгогодишна врска со ова рели со специјална изведба на Giulia Quadrifoglio.
Овој уникатен примерок е офарбан во боја која од Alfa Romeo ја нарекуваат Ochre. Супер-сјајната злајна боја му дава навистина несекојдневен лик на спортскиот седан, а од Alfa Romeo кажуваат дека бојата е замислен да му даде на спортскиот седан изглед кој ќе наликува на некои од мотелите од 1960-тите и 1970-тите години. Сепак, од Alfa Romeo кажуваат дека оваа боја нема да се понуди во сериско производство и дека е направена ексклузивно за Mille Miglia настанот.
Патем, автомобили на Alfa Romeo на овогодинешното издание на Mille Miglia стигнаа на првата и втората позиција. По 1794.07 извозени километри, на првото место пристигнаа Giovanni Moceri и Daniele Bonetti во 6C 1500 SS од 1928-мата година, а второто место отиде кај Andrea Vesco и Andrea Guerini во 6C 1750 SS Zagato од 1929-тата година.
Им честитаме на победниците, а на дизајнерите на Alfa Romeo им се восхитуваме на храброста – златната Giulia Quadrifoglio навистина изгледа одлично!
