Баварците го претставија новото безбедносно возило за Moto GP шампионатот, а тоа е токму најновиот BMW M6!
Со некои суптилни визуелни измени, но и привлечна комбинација на бои, сигурни сме дека новиот M6 ќе биде сосема соодветен автомобил за оваа намена. Неговиот голем 4.4-литарски V8 мотор има два турбо полначи, и испорачува 550 коњски сили! Новиот M6 ја продолжува традицијата – пред него, безбедносни возила во Moto GP беа BMW 1 Series M Coupe и големиот BMW X6 M.
Секако, и M6 ги има додатоците кои се потребни за да може да ја игра и оваа улога – специјалните светлосни системи, нов преден и заден спојлер, а сигурно има и други додатоци кои живот значат!