Новата најмоќна изведба од популарниот 911 го уништи рекордот на Lamborghini Huracan Performante и стана најбрзиот сериски автомобил со заден погон на оваа патека.
Porsche 911 GT2 RS успеа да заврти еден круг од 20.6 километри за само 6 минути и 47.3 секунди. Во обидот за поставување на нов рекорд Porsche користеше два примероци од моделот, возени од Ларс Керн и Ник Танди. Првиот од нив беше заслужен за рушење на рекордот и поставување на нов, на 20ти Септември со просечна брзина од 184.11 км/ч.
Благодарение на ова импресивно достигнување, суперавтомобилот докажа дека е само 1.4 секунди побавен на Нирбургринг од електричниот NextEV Nio EP9, и побрз од Radical SR8LM, Lamborghini Huracan Performante и поточно сите останати машини со високи перформанси.
