Спортската дивизија на Volvo ги подготви Polestar Performance пакетите за новиот S90 и V90 со кои големиот седан и караван добиваат повеќе моќност и подобрени перформанси!
Polestar е „тјунинг“ дивизијата на шведскиот производител, и заедно со возачите и инженерите од Polestar Cyan Racing, тие подготвија пакет подобрувања за големите и луксузни S90 и V90 со кои новите модели добиваат подобрени перформанси и подобра реакција на притискање на педалата за гас.
New Polestar performance package now available for the Volvo S90 and V90
Според претседателот на Polestar, Niels Moller, желбата била „да се подобрат перформансите на водечките модели на Volvo. S90 и V90 веќе нудат одлична динамика, а ние сме среќни што можеме да ги подигнеме перформансите едно ниво погоре благодарение на Polestar Performance Optimization.“
D5 PowerPulse турбодизелот кој се нуди во S90 и V90 ќе добие дополнителни 5 коњски сили и 20 Nm вртежен момент, за вкупно 240 коњски сили и 500 Nm вртежен момент. Дополнително, Polestar модификациите носат и оптимизиран софтвер за работа на менувачот, како и подобрена реакција на притискање на педалата за гас. Она што е важно е дека подобрувањата не влијаат на гаранцијата, сервисните интервали, емисијата на штетни гасови и потрошувачката во однос на стандардните возила, кажуваат од Polestar.
