Луѓето од SR Auto се потрудиле на малиот iQ да му дадат изглед на нуклеарна зујалица!
Малото и интелигентно конципирано градско автомобилче веќе неколку пати било инспирација на тјунери, но најновата изведба која е дело на SR Auto навистина го привлекува вниманието. Тие самите кажуваат дека целта кога го „обработувале“ iQ била да направат автомобил кој ќе ве остави без зборови – и судејќи по фотографиите, во тоа сосем успеале!
Бојата е уникатна, а големите браници му даваат навистина агресивен изглед на градскиот малишан. Ако убаво загледате, ќе приметите детали од Nissan GTR, Mitsubishi Lancer Evo, но и од популарната игра Angry Birds. Во секој случај, трансформацијата е драстична, а за изгледот – само ќе кажеме дека за вкусовите не се зборува.
