Германскиот производител подготвува конкурент на BMW X6, а неговата концептуална изведба ќе ја прикаже на автомобилскиот саем во Пекинг овој месец.
Контроверзниот и доста успешен модел BMW X6 веќе ќе добие втора генерација, а Mercedes сеуште нема негов директен конкурент во својата гама. Сепак, ова наскоро ќе се смени, така што компанијата од Штутгарт ќе го објави Concept Coupe SUV, чија сериска изведба најверојатно ќе биде назначена како MLC.
Моделот ќе се произведува во фабриката во САД, Тускалуса, Алабама покрај М-класата. Новиот модел треба да понуди динамично управување и ќе изгледа значително поагресивно од М-класата, благодарение на пониската линија на кровот и налегнатото задно ветробранско стакло.
Повеќе фотографии и информации очекуваме на отварањето на саемот за автомобили во Пекинг на 20-ти Април.
