Оваа сабота во Кавадарци ќе се одржи изложба на олдтајмери, на која ќе земат учество преку 50 класични автомобили и моторцикли!
Организаторите велат дека имаат цел да ги потсетат постарите како некогаш изгледале нашите улици, а помладите да ги запознаат со мал дел од автомобилската историја на овие простори. Сакаат да разбудат спомени од првото седнување зад воланот, да ги потсетат сите на првото семејно возило и семејните патувања и учесниците да споделат по некоја анегдота од минатото. За таа цел ги покануваат сите на втората по ред годишна Изложба на олдтајмери – „Тиквешки Гроздобер Кавадарци 2013“ која ќе се одржи на улица Илинденска во центарот на Кавадарци на 14.09.2013.
Учеството е бесплатно, а се што треба е да се пријавите на 070 239 423 или kavadarci2013@gmail.com и притоа да оставите Ваши лични податоци и податоци за Вашиот олдтајмер. Покровители на настанот се Општина Кавадарци и Кожувчанка и Синалко – Кавадарци.
