Базиран на Audi S6, новиот ABT AS6-R може да се пофали со значителни измени кои му дозволуват на големиот караван да забрза до 100 километри на час за само 3.9 секунди!
Замислете дека имате фамилија – сопруга, 2.4 деца и куче. Замислете дека треба некаде да отидете – потребен ви е караван за да Ве собере вас и целата ваша фамилија. Тука е ABT за да можете тоа да го направите лесно и брзо.
ABT AS6-R е караван наменет за оние кои сакаат да патуваат во исклучителен комфор, но истовремено да патуваат исклучително брзо. Благодарение на доработките од ABT, големиот Audi S6 Avant сега развива 600 коњски сили и 750 Nm вртежен момент – цели 180 коњски сили, односно 200 Nm повеќе од „обичниот“ S6. Благодарение овие бројки, AS6-R може да забрза до 100 километри на час за 3.9 секудни, до 200 километри на час за 12.9 секунди и да продолжи да забрзува до електронски ограничената максимална брзина од 310 километри на час.
