Според луѓето кои се добро запознаени со тие работи, Dodge подготвува нова генерација на успешниот Challenger, но овој пат со мотор кој ќе му конкурира на моќниот Viper?
Според истите тие луѓе, најмоќниот Challenger SRT8 ќе ја носи ознаката Hellcat, а под поклопецот на моторот ќе крие голем, 6.4-литарски HEMI мотор со компресор, кој ќе испорачува блиску до 640 коњски сили – значително повеќе од сегашните 470 кај најмоќниот Challenger.
Замислата на Dodge е со овој мотор да му овозможи на Challenger да биде поконкурентен на Ford Mustang Shelby GT500 и Chevrolet Camaro ZL1. Во моментов, Challenger заостанува зад овие два автомобили, кои имаат 660, односно 580 коњски сили. Покрај тоа, ќе биде интересно да видиме дали „малиот“ Challenger ќе украде од продажбата на легендарниот Viper.
