Пред само неколку моменти, францускиот производител ги објави сите детали за новиот Peugeot 308!
Трендот за иновации во оваа класа продлжува, а најновиот натпреварувач кој Французите ќе го понудат е токму Peugeot 308. Да нагласиме уште на самиот почеток – новиот 308 е и до 140 килограми полесен од својот претходник!
Според најавите, благодарение на намалената тежина и новите технологии, ќе има верзија на 308 која ќе емитува само 85 грама CO2 на изминат километар, а дизајнот е чист и префинет, наменет за постоечките, но и за новите купувачи на Peugeot.
Димензиите се компактни – 308 е долг 4.25 метри, висок 1.46 метри, и ќе нуди багажен простор со зафатнина од 470 литри. Од задната страна приметливи се светлосните структури изведени како лавја канџа, односно слично на оние кај помалиот 208. Во внатрешноста Peugeot се гордее со новиот i-Cockpit простор, кој благодарение на големиот 9.7-инчен LCD дисплеј му ги нуди сите информации на возачот. Информации за моторите сеуште нема, но знаеме дека ќе се нудат бензински и дизел мотори, како и Hybrid4 хибриден дизел.
