Некако се навикнавме да гледаме чудни врати на разно-разни концептни возила, но и на модели кои сериски се произведуваат. Да направиме една ретроспектива на 10-те најчудни врати кои биле дел од некој автомобил!
10. Kaiser Darrin
Овој модел кој потекнува од Американскиот пазар се појави во 1954-тата година, и беше вистинско технолошко чудо. Сигурно биле чудо и вратите кои се вовлекувале во крилата при отворање!
9. BMW Z1
Веќе сигурно го знаете интересниот двосед на BMW, а сигурно ги знаете и неговите интересни врати кои се вовлекуваат во подот кога се отворени!
8. BMW Isetta
Овој автомобил (ако воопшто може да се нарече така) има врата која се отвора.. нанапред! Со среќа излегување ако се паркирате блиску од некој ѕид! :)
7. Saab Aero-X
Концептот на Saab од пред неколку години ја следи филозофијата на борбени авиони која ја прифати Шведската компанија, па кокпитот се отвора слично како на борбен авион.
6. Holden Hurricane
Но Saab не е првата компанија која си поиграла со ваков дизајн. Први тоа го направија Австралијците, и тоа со нивниот Holden Hurricane, концепт возило од 1969-тата година!
5. Peugeot 1007
Интересното градско возило на Peugeot, кое заради лиценцирање не можеше да се нарекува “one-double-o-seven” во земјите кои зборуваат Англиски има мошне интересни и практични врати, совршени за тесни паркинг-места и градски гужви.
4. Pink Panthermobile
Иако е само „блесав“ концепт, било каде и да пристигнете во ова возило, вратата која се отвора хоризонтално ќе ви обезбеди спектакуларен дочек. А и бојата сосема му прилега! :)
3. Mercedes 300SL
Познат по своите Gullwing врати (кои всушност се решение за конструкциски проблем), 300SL е еден од најпрепознатливите и најбарани автомобили во светот. Мерцедес неколку пати проба да го повтори успехот и изгледа конечно успеа со SLS AMG.
2. Smart Crossblade
Ако веќе зборуваме за врати, онаа на Crossblade и не е толку врата, колку што е преграда. Сепак, одлично за оние кои сакаат да се направат лом при поминување низ вода!
1. Alfa Romeo Carabo
Иако scissor вратите ги популаризираше Lamborghini, и тоа со Countach, сепак прв автомобил со вакви врати беше Alfa Romeo Carabo. Концептното возило на Италијанскиот производител е дизајнерско дело на легендарниот Marcello Gandini. Gandini е навистина горд на ова возило кое се појави во 1968-мата година. Вратите веднаш станаа популарни, а останатото е, како што велат, историја.
БОНУС #1 – Било кој Koenigsegg
Дело на Christian Von Koenigsegg, моделите на Шведскиот производител имаат интересна варијација на scissor doors темата, но со навистина уникатен и интересен дизајн. Од целата листа, ова е автомобил кој највеќе наликува на некој лик од Transformers филмовите!
БОНУС #2 – General Lee
Добро, за воља на вистината, Dodge Charger има нормални врати, но за потребите на Bo & Luke Duke, вратите беа заварени, a дечките „грациозно“ влегуваа и излегуваа низ прозорците.
БОНУС #3 – Lincoln Continental Convertible
Зошто го спомнуваме Continental? Две причини – првата е дека е одличен претставник на Suicide Doors принципот на задни врати, а втората е дека структурната ригидност на овој автомобил била толку лоша, што ако ги оставите сите врати отворени подолго време, автомобилот ќе се деформира, па нема да можете воопшто да ги затворите!