Минатогодишниот второпласиран на светскиот натпревар во дизајн на Ferrari, Самир Садиков, претстави тркачка верзија од концептот со кој учествуваше на натпреварот.
Новата креација претставува далеку поспортско возило од оргиналниот емотивен дизајн. Се забележуваат нов асортиман од додатоци за зголемување на потисната сила. Тука спаѓаат голем преден сплитер, отвори за воздух на предните крила, странични прагови, голем заден спојлер, заден дифузер, отвор за воздух на покривот и поинакви тркала.
Мораме да признаеме дека концептот изгледа одлично, а многубројните тркачки додатоци го прават да изгледа уште поагресивно и попривлечно. Се надеваме дека и наредните официјални модели на Ferrari ќе изгледаат толку привлечно.
