Јапонските тјунери од Wald International го подготвија нивниот втор стајлинг пакет за Toyota GT86!
Иако ние сметаме дека на Toyota GT86 не и се потребни екстремни визуелни додатоци, сепак новиот пакет на Wald International кој вклучува преден браник, странични прагови, проширувања на крилата, заден браник, дифузер и спојлер изгледа привлечно и ја зголемува агресивноста на малиот спортски автомобил.
Делови од пакетот се веќе достапни во Јапонија по цена од околу 2600 евра, а цената за останатите компоненти ќе биде наскоро објавена. Не знаеме дали тјунираната верзија на Wald International има и некакви механички измени. Колку да се потсетиме, под поклопецот на моторот се крие 2-литарски боксер мотор кој испорачува 200 коњски сили.