Караванската верзија на електричниот седан 007 има 800-волтна архитектура и сериозен досег на возење.
Основата на 007 е Sustainable Electric Architecture (SEA) со која се добиваат верзии со погон на задните и на сите тркала, додека моќноста се движи од 416 до 637 коњски сили.
Според CLTC циклусот, седанот има максимален досег на возење до 870 км, па очекуваме и GT варијантата да има слични перформанси. Zeeker 007 има батерии кои поддржуваат брзини на полнење до 500 kW. Тоа значи дека за само 15 минути може да се добие досег на возење до 500 километри.
Забрзувањето од 0-100 км/ч се постигнува за само 2.8 секунди, додека неговата максимална брзина изнесува 210 км/час. Дополнително, Zeekr 007 GT ќе вклучува и напредни технологии како Haohan Intelligent Driving 2.0 и ласерски радар, кои стандардно се добиваат во сите нивоа на опременост.
Очекуваме повеќе информации откако официјално ќе биде објавена достапноста на европскиот пазар. Плус, изгледа многу јако!
