Големиот електричен SUV има батерија од 110.3 kWh со која може да измине до 620 километри.
Станува збор за сериозно големо возило – долго 5.06 метри, широко 1.98 метри, високо 1.79 метри и со меѓуоскино растојание од 3.13 метри.
Внатрешноста е пространа и може да смести до седум патници во седишта од три реда. Луксузните материјали вклучуваат еко кожа како и рециклирани пластични ткаенини.
Од технологијата внатре доминираат двата 12-инчни дисплеи во кои се вградени напредениот гласовен асистент со вештачка интелигенција, Android Auto и Apple CarPlay. Тука се и напредните системи за помош како адаптивниот темпомат, системот за одржување на лента и автоматското сопирање во итни случаи.
Ioniq 9 ќе биде достапен со заден погон и со погон на сите тркала, со максимална моќност до 422 коњски сили. Моделот ќе биде лансиран во Кореја и САД во првата половина на 2025 година, а во Европа подоцна истата година.
Со својата комбинација на простор, технологија и опсег на возење, Ioniq 9 е дизајниран да биде конкурентен на пазарот на големи електрични SUV модели.
