И покрај новиот целосно електричен EX90, Volvo XC90 ќе остане во производство се додека има побарувачка на пазарот.
Третиот најпопуларен модел на Volvo за 2024 година, веднаш зад XC60 и XC40 сепак нема да престане да се произведува на сметка на својот електричен роднина EX90. XC90 е најстариот модел во линијата на Volvo, кој моментално се нуди во mild-hybrid и plug-in hybrid верзии.
Volvo неодамна го прилагоди својот рок за целосна електрификација до 2030 година, со цел 90 до 100 проценти од своите автомобили да бидат електрифицирани. Сепак, XC90 ќе продолжи да се произведува и ажурира се додека има побарувачка за него.
Иако EX90 е новиот целосно електричен SUV на Volvo, компанијата не го гледа како директна замена за XC90. Volvo верува дека купувачите на EX90 и XC90 се различни и дека двата модели ќе коегзистираат на пазарот.
