Петтата генерација на Kia Sportage добива значајни надградби, вклучувајќи нови LED светла и подобрена внатрешност.
Главната промена е редизајнираниот преден дел со вертикално поставени, поагресивни фарови, поголеми отвори на браникот и преработена решетка. Од профилот, дизајнот останува познат, но фејслифтот носи нови предни крила и нови дизајни на алуминиумските тркала од 17 до 19 инчи.
Внатрешноста добива нова закривена дигитална кокпит со двојни 12.3-инчни екрани и нов head-up дисплеј. Редизајнираниот волан со два краци, подобреното амбиентално осветлување и новите вентилациони отвори го приближуваат Sportage до премиум моделите на брендот.
Во Кореја, основниот модел е понуден со 2-литарскиот LPG мотор кој има 144 коњски сили. Помоќниот 1.6-литарски турбо бензински мотор сега е споен со нов 8-брзински автоматски менувач, кој го заменува стариот 7-брзински DCT. Хибридната варијанта добива мало зголемување на моќноста, со дополнителни 5 коњски сили над претходниот модел.
Европската верзија на фејслифтираниот Sportage ја очекуваме да се појави во текот на следната година, но според досегашните искуства, очекувајте да нема премногу разлики со домашната, корејска верзија.
