Бензините поскапуваат по половина денар, но цената на дизелот се зголемува за дури 3 денари.
Во согласност со најновата калкулација на Регулаторната Комисија за Енергетика, малопродажните цени на горивата се зголемуваат во просек за 1.41%.
Малопродажните цени на бензините ЕУРОСУПЕР БС-95 и ЕУРОСУПЕР БС-98, се зголемуваат за 0,50 ден/лит и со тоа малопродажната цена на ЕУРОСУПЕР БС-95 изнесува 89,50 ден/лит, додека малопродажната цена на ЕУРОСУПЕР БС-98 изнесува 92,00 ден/лит.
Малопродажната цена на ЕУРОДИЗЕЛ (Д-Е V), се зголемува за 3,00 ден/лит и со тоа малопродажната цена на ЕУРОДИЗЕЛ (Д-Е V) изнесува 101,50 ден/лит.
Новите цени стапуваат на сила вечерва на полноќ.