Автомобилот има редизајниран лик и нови задни светла, слични на оние кај моделот Rafale. Најзабележливите промени го вклучуваат преработениот преден дел, кој сега доаѓа со поостри LED фарови, редизајнирани дневни светла, нова решетка и поедноставени доводи на браникот.
Espace го носи најновиот стилски јазик на Renault, кој покрај кај водечкиот Rafale, доаѓа и кај помалите Captur и Symbioz. Нивоата на опременост се Techno, Iconic и Esprit Alpineи и истите се одликуваат со различните дизајни на решетката.
Профилот е пренесен од појдовниот Espace, но задниот дел има помали светла со помодерен потпис. Редизајнот ја зголеми должината на Espace на 4,74 метри, а како новост се претставени новата сива боја (Baltic Blue Grey) за надворешноста и ексклузивната опција Light Sand Grey за внатрешноста.
