Веќе стануваат интензивни гласините дека за само неколку месеци, Alfa Romeo ќе го претстави новиот Stelvio. Па што можеме да очекуваме од новиот SUV?
Според некои инсајдерски информации до кои стигнавме, Alfa Romeo ќе ги објави првите фотографии од новиот Stelvio веќе оваа пролет, а целосната премиера е веќе закажана за 24-ти Јуни. Во меѓувреме, почнуваат да се шират (непотврдени, секако) шпекулации за техничките карактеристики на новиот италијански SUV. Она што можеме со помалку или повеќе сигурност да го кажеме е дека Stelvio ќе биде поставен на STLA Large платформата на Stellantis.
Тоа пак значи дека најверојатно ќе добиеме целосно-електрична верзија на Tonale, но и хибридна верзија базирана на постоечкиот 2-литарски турбо-бензинец нa Alfa Romeo кој низ годините најде свое место во многу брендови и модели на Stellantis. Она што со сигурност можеме да го очекуваме е некаква лајт-хибридна варијанта, но извесна е и плаг-ин хибридна изведба.
Секако, можно е Alfa Romeo да го искористи и новиот 1.6-литарски плаг-ин хибриден погон кој се произведува во Унгарија. Овој погон испорачува околу 195 коњски сили и се користи за плаг-ин хибридни верзии на други модели во рамките на Stellantis, а производството веќе започна во Јули минатата година. Шпекулациите дека Alfa Romeo ќе го користи овој мотор се интензивираа откако Antonio Filosa, главниот извершен директор на Stellantis за Америка потврди дека Jeep ќе го користи овој мотор за новиот Cherokee.
Инаку, веќе се зборува дека новиот Stelvio ќе добие дизајн инспириран од новиот Junior. Alfa Romeo веќе почна да го најавува новиот Stelvio, па ни останува само да почекаме уште некој месец.
