Моделот е дел од амбициозниот план на компанијата да понуди 14 електрични возила до 2027 година.
Автомобилот е базиран на модерната платформа E-GMP, која е специјално дизајнирана за електрични возила. Оваа платформа овозможува долг досег (околу 480 километри) и брзо полнење на батеријата.
Иако Kia не ја покажа внатрешноста, очекуваме да биде фокусирана на технологијата и удобноста, и секако, со задолжително присуство на голем инфо-забавен екран. Компактниот автомобил ќе биде достапен во повеќе конфигурации, вклучувајќи и верзии со погон на сите тркала.
Деталите околу цените и спецификациите на Киа EV4 ќе ги дознаеме кон крајот на месецов.
