Електричниот наследник на легендарниот Renault 5 Turbo од пред 40 години добива 500 коњски сили и забрзување до 100 км/ч за само 3.5 секунди.
Спортскиот модел со специфична карбонска структура е базиран на концептот кој беше прикажан пред две години и истиот е инспириран од рели верзиите на оригиналниот 5 Turbo.
Точните детали се уште не се познати, но знаеме дека 5 Turbo 3E ќе биде произведен во лимитиран број и ќе биде достапен на глобалниот пазар од следната година.
5 Turbo 3E е всушност дел од „Renaulution” стратегијата на Renault, која има за цел да го трансформира брендот и да го врати меѓу врвот на автомобилската индустрија.
Од Renault планираат да организираат неколку ексклузивни настани и активности за промоција на 5 Turbo 3E, вклучувајќи специјални изданија на возила, како и колекционерски предмети.
