Од неодамна, понудата на Chery во Македонија е побогата за уште еден модел – Tiggo 4 Pro.
Tiggo 4 Pro е компактен кросовер кој ги пренесува истите вредности како и останатите модели во понудата – а тоа е многу простор и многу опрема за прифатлива цена. Под предниот поклопец се крие 1.5-литарски атмосферски бензинец кој преку 5-степен мануелен менувач кон предните тркала испорачува 95 коњски сили и 138 Nm вртежен момент.
Но вистинската привлечност е во опремата – стандардната опрема Comfort вклучува навистина многу. Да започнеме со стартување на копче, дигитална инструмент-табла, мултимедијален уред со Android Auto и Apple CarPlay поврзување, LED дневни светла, паркинг камера и сензори, 18-инчни тркала, автоматски клима-уред и многу, многу повеќе.
Chery Tiggo 4 Pro веќе може да се погледне во одделот за кинескиот бренд во рамките на објектот на Grand Auto, а повеќе информации има на официјалната веб-страница. А да, и да не заборавиме Tiggo 4 Pro може да се добие за 18.890 Евра.
