На германскиот eBay се појавија користени предни светла од Bugatti Chiron – и чинат „само“ 147.000 Евра!
Имавте ситна незгода со вашиот Bugatti Chiron па не ви се плаќа „фул“ цена во овластениот сервис? Имате среќа – на германскиот eBay се појавија предни светла токму од Bugatti Chiron, ваши за „само“ 147.000 Евра. За таа цена можете да купите Porsche 911, или пак Mercedes AMG GT, или пак…
Светлата се оригинални, произведени од Valeo и можат веднаш да бидат ваши. Според огласот, светлата се компатибилни со „обичниот“ Chiron, но и со Pur Sport и Super Sport 300+, а за LED светлата ќе треба да одвоите само 147.000 Евра. Реално, цената е џабе, во овластен сервис се сигурно барем 169.000 Евра, а богами доста им беше збогатување на наш грб. Ете, има делови!
Продавачот е од Полска и е подготвен да ги испорача фаровите било каде во Европа за доплата од само 1000 Евра. Купувајте додека има!
Фотографии: eBay.de
