Тимот на Rezvani го трансформираше последното Porsche 911 во модерна интерпретација на моделот 935.
RR1 или Rezvani Retro 1 е првиот од низата најавени Retro модели, и истиот е базиран на последната генерација на Porsche 992. Изгледот потсеќа на легендарните тркачки автомобили кои доминираа на 24-часовните трки на Le Mans во 1970-тите, а истовремено црпи инспирација од класичното Porsche 935.
Rezvani ќе го нуди автомобилот во три варијанти. RR1 550 (базиран на Porsche 911 Carrera S) со 558 коњски сили, RR1 565 (базиран на 992 Porsche 911 GT3) со 573 коњски сили и RR1 750 (911 Turbo S) со 760 коњски сили.
Rezvani планира да произведе само 50 примероци од RR1, а цените за комплетот започнуваат од 149.000 долари. Во таа цена секако не е вклучено основното возило кое сопственикот мора сам да го обезбеди. Цената сепак е почетна, па после првите продадени пет примероци ќе оди само нагоре.
