Втората генерација на теренецот од 2015 година повторно добива визуелно затегнување, но и нови технологии.
Ажурирањата првенствено се козметички, вклучувајќи нови опции за осветлување, нова решетка и редизајнирани браници. Дополнително, моделот добива подобрувања во инфозабавните и безбедносните функции, но ги задржува постоечките погонски опции.
За прв пат Q7 има HD Matrix LED фарови и дигитални дневни светла со изборни светлосни знаци. Покрај нив, моделот располага со сменета решетка на ладилникот, спортски доводи на браникот и пет нови дизајни на тркалата. Моделот сега ги вклучува варијантите S Line, Black Edition, Launch Edition и Vorsprung.
Распоредот на контролната табла во кокпитот останува непроменет, но екранот на допир сега ја вклучува најновата итерација на инфозабавниот систем на Audi. Овој ажуриран систем нуди компатибилност со апликации како што се Spotify и Amazon Music.
Погонската група ги вклучува добропознатите TDI дизел и TFSI бензин единици. Предводникот на перформансите SQ7 го има 4 -литарскиот V8 кој произведува 500 коњски сили и 770 Nm вртежен момент, со чија помош возилото забрзува од 0 до 100 км/ч за 4,1 секунда. Сите варијанти на Q7 стандардно доаѓаат со адаптивна воздушна суспензија, додека моделите со високи спецификации добиваат поспортско поставување на шасијата.
Фејслифитраниот Audi Q7 веќе е достапен за нарачка на пазарот во Велика Британија, а во Европа ќе почне да се нуди од пролет.
