Премиерот на Обединтото Кралство, Риши Сунак објави дека се менува стратегијата за целосна транзиција кон електрични возила и ја одложи забраната за продажба на нови возила со мотори со внатрешно согорување за 5 години – односно до 2035.
Во 2020, тогашниот премиер на Обединетото Кралство – Борис Џонсон – објави дека продажбата на нови возила со мотори со внатрешно согорување ќе биде забранета во 2030 и дека хибридните модели ќе смеат да се продаваат до 2035. На вчерашна прес-конференција, сегашниот премиер Риши Сунак објави дека планот се менува и дека роковите се продолжуваат за пет години.
Риши Сунак ја цитира потребата да се задржи флексибилноста за купувачите. Новата политика е во линија со стратегиите на повеќето други европски земји, меѓу кои Франција, Италија и Шпанија.
„Недвосмислено кажувам дека ќе ги исполниме нашите меѓународно договори, меѓу кои и важните ветувања дадени во Париз и Глазгов за да го ограничиме глобалното затоплување на 1.5 степени“ – кажа тој и додаде – „За да си дадеме повеќе време да се подготвиме, најавувам денес дека ќе ја олесниме транзицијата кон електрични возила. Ќе можете да купите нови бензински и дизел возила сè до 2035, а дури и по тој рок ќе можете да ги купувате и да ги продавате на пазарот за половни возила.“
