Според Fiat, новото Topolino е „направен од радост, оптимизам и забава“ и ќе им понуди мобилност дури и на најмладите купувачи.
По Citroen Ami и Opel Rocks, и Fiat има свој електричен микро-автомобил – кажете му здраво на новиот Topolino! Сепак, италијанската верзија е значително редизајнирана во однос на моделите од Citroen и Opel. Сега за сега немаме никакви технички информации, но очекуваме Topolino да го користи истиот погон кој го користи и Ami – а тоа значи мала батерија со капацитет од 5.5 kWh, мал електромотор со моќност од 8 коњски сили, максимална брзина од 45 километри на час и автономија од околу 70-тина километри.
Наскоро очекуваме повеќе информации, но дури и на првата фотографија новиот Topolino изгледа неверојатно фраерски!
