По долготрајното најавување, Alfa Romeo на 8ми Февруари официјално ќе го претстави новиот Tonale SUV.
Новиот, втор SUV на Alfa Romeo ветува многу – од освежен и надграден дизајнерски јазик, преку нови погонски опции, па сè до нови технологии и врвен премиум пристап.
Иако немаме никакви информации околу погонските опции на Tonale, сепак можеме да претпоставиме дека новиот SUV на Alfa Romeo ќе се нуди во неколку различни конфигурации. Колку за потсетување, Jean-Philippe Imparato кој сега е на чело на Alfa Romeo го одложи претставувањето на Tonale токму за инженерите да имаат доволно време да го усовршат хибридниот погон.
Alfa Romeo веќе потврди дека понатаму ќе лансира уште еден, уште помал SUV. Се надеваме дека нема да останат само на тоа, и дека во понудата ќе додадат и наследник на Giulietta кој ќе влече дизајнерска инспирација токму од Tonale.
Discover driver-centric design in the cockpit of the new #AlfaRomeoTonale, featuring the multi-functional “Cannocchiale” cluster. “La Metamorfosi” begins February 8th. https://t.co/7tknJCcFTR pic.twitter.com/dh7o9BUwBq
— Alfa Romeo USA (@AlfaRomeoUSA) January 26, 2022
