Autobest жирито ја објави листата на автомобили кои ќе се борат за титулата за 2022.
Финалистите кои ќе се борат за титулата Autobest 2022 се Dacia Spring, Hyundai Bayon, Opel Mokka, Renault Arkana (кај нас познат како Renault Megane Conquest), Skoda Fabia и Toyota Yaris Cross. Овие модели ќе се борат за титулата „Автомобил кој дава најмногу за вложеното во Европа за 2022“, а жирито кое има 32 членови од 32 земји ќе ги направи последните проценки и ќе го избере победникот во следните неколку седмици. Најавено е дека победникот ќе биде објавен кон средината на Декември.
По успешниот прв настан минатата година, жирито повторно ќе оди во Тесдорф, Австрија на 24 и 25 ноември за завршниот тест. Полигонот на Австрискиот автомобилски клуб (OEAMTC) има меѓународно признание за тестирање возила, како и образование за возачи во многу области. Со Тесдорф сместен во непосредна близина на аеродромот во Виена, AUTOBEST воспостави партнерство за да изврши сеопфатен пакет тестови и да го истражи целосниот потенцијал на финалистите.
„Во текот на пандемијата, AUTOBEST се покажа како единственото меѓународно независно автомобилско жири кое ја одржува редовната агенда на активности. Ние продолжуваме да се обидуваме да им понудиме на милиони потрошувачи на автомобили најдобра проценка за автомобилот Best Buy во Европа, но и за најдобрите луѓе, компании и технологии што ги имаме во индустријата денес. Понатаму, благодарение на новосоздадениот AUTOBEST Think Tank предводен од визионерскиот дизајнер на автомобили Френк Стивенсон, подлабоко ќе ја истражиме иднината на мобилноста, давајќи им на сите луѓе подобра видливост и разбирање за тоа што ќе се случува во наредните години“ – рече Дан Варди, основач и претседател на AUTOBEST.
Членовите на жирито на AUTOBEST претставуваат 32 европски земји, што го прави најголемото независно автомобилско жири во Европа и светот по бројот на застапените земји. Жирито AUTOBEST посветува големо внимание на напорите што ги вложува автомобилската индустрија. Инвестициите, новите можности за работа во автомобилската индустрија за луѓе, средства за зелени автомобили и технологии, поддршката на различни региони во Европа, внимателно се проверени од жирито.
Исто така, под лупа се новите технологии и поврзување во автомобилот. Вкупно, посветуваме осум награди на овие достигнувања во следните категории; MANBEST, COMPANYBEST, ECOBEST, DESIGNBEST, TECHNOBEST, SAFETYBEST, SMARTBEST и SPORTBEST. Во следните недели, AUTOBEST ќе комуницира со добитниците на овие награди за 2022 година.
21-то доделување на наградите ќе се одржи следната година во Стразбур, Франција на датум кој ќе биде објавен подоцна. Оваа година, 20-годишнината од доделувањето на наградите AUTOBEST се одржа на 30-ти септември во Барселона, Шпанија, собирајќи рекорден број учесници од 34 земји, вклучувајќи водечки директори од различни компании и организации.
Во текот на две децении, Галата на наградите AUTOBEST стана клучен настан во календарот на автомобилизмот, со уметничка содржина од светска класа, гурманско мени со здрава содржина и уникатно големо финале за наградата AUTOBEST.
