Toyotа претстави посебна изведба од новата Supra, со која оддава почит кон претходната четврта генерација.
Heritage Edition се разликува од стандардниот модел по значително поагресивниот екстериер, добиен со нов бодикит и изменети светлосни групи. Бодикитот вклучува редизајнирани браници и странични прагови со интегрирани карбонски спојлери и дифузер. Дизајнот на задниот спојлер е целосно инспириран од споjлерот на претходната Supra.
Задните светла го добиваат класичниот дизајн со четири кружни елементи по страна и го прават новиот модел поблизок до легендарната четврта генерација. Автомобилот е поставен на поспортски 19-инчни HRE алуминиумски фелни, обвиени во Toyo Proxes R888R пневматици и „лежи“ поблиску до подлогата благодарение на прилагодливи TEIN амортизери.
Под поклопецот, 3.0-литарскиот турбо бензинец со шест цилиндри поставени во ред е засилен на 500 кс. Ова зголемување е добиено со инсталирање на нов систем за довод на воздух кон моторот, издувен систем со три инчен дијаметар и Mission Performance компјутерска единица.
Heritage Edition е еден од многубројните концепти кои се изложени оваа година на SEMA базирани на Toyota Supra.
