Siеmoneit Racing се тука за да ги задоволат вашите потреби за налудничаво-брз караван – за нешто над 20.000 евра тие ќе го конвертираат вашиот Seat Leon Cupra ST во.. Нешто сосем неочекувано!
Ајде да бидеме искрени – со 300 коњски сили и 380 Nm вртежен момент благодарение на 2-литарскиот турбо-бензинец, не е дека на шпанскиот караван му недостасува моќност. Сепак, инженерите од Siеmoneit Racing одлучиле дека можат подобро. Многу, многу подобро.
Резултатот на сето тоа? 521 коњски сили и 620 Nm вртежен момент. Да, повеќе од 500 коњски сили. Моторот има претрпено значително „дотерување“ – нов систем за дишење, поголем турбополнач, нов интеркулер и уште многу, многу измени – и сето тоа резултира со катапултирање до 100 километри на час за само 3.4 секунди. 200 километри на час? 6.8 секунди. Максималната брзина е електронски ограничена на 280 километри на час, но сигурни сме дека со овие доработки ниту 300 километри на час не се недостижни.
Секако, доработен е и 7-брзинскиот DSG менувач со двојна спојка, суспензијата е заменета со делови од KW, додадени се 370-милиметарски сопирачки од Audi RS3 вградени се 19-инчни тркала обвиени во Michelin Sport Pilot Cup 2 пневматици.
Супер-практичен караван, за до пазар, на викенд во Маврово.. Такви работи!
