Регулаторната Комисија за Енергетика ги објави новите цени на горивата – од вечерва на полноќ, бензините и дизелот поевтинуваат!
Согласно методологијата која РКЕ ја користи за пресметка на цените, од вечерва на полноќ малопродажните цени на горивата се намалуваат за 1.58 проценти.
Преведено во цени, тоа значи дека малопродажните цени на ЕУРОСУПЕР-95 и ЕУРОСУПЕР-98 се намалуваат за 1.00, односно 0.50 денари, и еден литар од овие горива ќе чини 66.00 односно 68.50 денари.
Цената на ЕУРОДИЗЕЛ горивото се намалува за 1 денар, и еден литар дизел гориво ќе чини 52.50 денари.
