Како што и очекувавме, спортското купе на Alfa Romeo доби и своја варијанта со преклоплив покрив – Alfa Romeo со задоволство го претставува 4C Spider!
Главните и најзабележливи промени во однос на купето е секако, недостатокот на кров, но и новите предни светлосни групи. По критиките кои 4C ги доби во однос на предните светла, 4C Spider доби предни светла кои потсетуваат на оние кои ги носеше концептот.
Истовремено, 4C Spider може да се пофали со нова ексклузивна бела боја, како и нови дизајни на тркалата кои сега се 18-инчни напред и 19-инчни позади. Новитет е издувниот систем изработен од Akrapovic кој дополнително го истакнува спортскиот дух на 4C Spider. Како и купето, и кабриолетот ветува импресивни перформанси благодарение на екстремно ниската тежина која изнесува „помалку од 1000 килограми“. За движењето е задолжен истиот 1.75-литарски TBI турбо-бензинец.
Производството започнува на почетокот на следната година, затоа ако сакате 4C Spider, нарачајте го вашиот примерок на време!