Оние кои сакаат навистина многу простор и практичност, но истовремено сакаат повремено да го напуштат асфалтот, тука е Skoda Superb Combi Outdoor!
Outdoor пакетот за Superb Combi всушност носи пластични заштитни облоги за долниот дел од каросеријата како и заштитни плочи на предниот и задниот браник. Пакетот може да се нарача со било кој мотор од понудата на Skoda, почнувајќи од основниот 1.4-литарски TSI бензинец, 1.6 или 2-литарските турбодизели, па се до 3.6-литарскиот V6 бензинец кој испорачува 260 коњски сили. Секако, можете да побарате и DSG автоматски менувач со двојна спојка, како и погон на сите четири тркала.
