Според Дејан, CascoRosso влече инспирација од легендарниот Ferrari 250 GTO и е своевидна модерна интерпретација на овој класик по повод 50-годишнината од овој модел!
Ferrari CascoRosso би требало да биде наследник на F12 Berlinetta и истовремено да му оддаде почит на 250 GTO. Моторот е поставен напред, а во задниот дел се батериите за хибридниот систем, со што би се постигнала идеална дистрибуција на тежината. Наместо странични ретровизори, моделот има камери на двете страни, а предните светла се покриени додека не се во употреба, туку се откриваат кога ќе бидат вклучени.
Истовремено, вратите се предвидени да се отвораат на начин на кој нема да биде потребно многу простор, а со вратите се отвора и дел од каросеријата на автомобилот со што се олеснува пристапот. Нам ни изгледа одлично, и со нетрпение очекуваме уште дизајни од Дејан. Ова не е прв пат да пишуваме за дело на Дејан – сигурно се сеќавате на BMW Rapp Concept од пред неколку месеци.
Повеќе од Дејан можете да видите на неговиот Behance профил.
