Daihatsu откри два Kopen концепти кои ќе бидат претставени пред јавноста во Ноември на автомобилскиот саем во Токио.
Јапонскиот производител ќе го оживее малиот роудстер Copen, со два нови концепти кои ја носат назнаката “Kopen”. Синиот и портокаловиот автомобил прикажани на фотографиите ја претставуваат RMZ верзијата, додека зелениот модел е XMZ изведбата кој се одликува со етстетски додатоци што му даваат погруб изглед.
Двете варијанти делат исти димензии: должина од 2295mm, ширина од 1475mm и височина од 1275mm. Нивната сила од 64кс извира од три-цилиндарски агрегат со зафатнина од 660 кубни сантиметри, потпомогнат од турбополнач. Малиот агрегат ќе биде усогласен со CVT трансмисија со лопатки за менување на степени зад воланот.
Шансите за појавување на Kopen низ Европските претставништва се многу мали, но ова е одличен мал автомобил кој веруваме дека успешно би се вклопил во понудата на нашиот пазар.
