Интересно истражување ги откри моделите кои највеќе ги чинеле брендовите – и ќе се изненадите кој се е на оваа листа.
Кога ќе ги разгледаме моделите кои се истакнати од ова истражување, ќе видиме некои имиња кои очекуваме да се тука – на пример, големиот Bugatti Veyron за кој знаеме дека Volkswagen губи пари со секој произведен модел, односно дека продадените автомобили никогаш нема да можат да ја вратат првичната инвестиција потребна за да бидат развиени. Истражувањето на Bernstein Research кое го пренесува Economist нуди интересна листа на загубари.
Но дали на таа листа очекувавте да видите модели како Fiat Stilo, односно победникот Smart Fortwo?
Според истражувањето, Smart Fortwo е најголемиот загубар меѓу автомобилските модели – со загуба од 4.470 евра по автомобил, односно вкупна загуба од 3.35 милијарди евра. Во споредба со ова, Veyron кој губи 4.617.500 евра по продаден автомобил е своевиден успех со вкупна загуба од 1.7 милијарди евра. Интересни имиња на оваа листа се второ-рангираното Fiat Stilo со вкупна загуба од 2.1 милијарди евра, но и алуминиумскиот Audi A2 со вкупна загуба од 1.33 милијарди евра. Секако, тука е ексцентричниот супер-седан на Volkswagen – моделот Phaeton со вкупна загуба од скоро 2 милијарди евра!
