Господинот Felix Egolf од Швајцарија успеа да постави импресивен рекорд за ниска потрошувачка – тој со малиот Mitsubishi Space Star успеа да помине 1111 километри со 37.65 литри гориво!
Felix Egolf е пилот од Швајцарија кој има интересно хоби – тој ужива во поставување рекорди за ниска потрошувачка, кои се официјално измерени и потврдени. Ова е истиот човек кој неодамна постави рекорд со Mitsubishi ASX опремен со дизел мотор кој потроши само 3.2 литри на 100 изминати километри.
Интересно е што Felix успеал да постигне потрошувачка пониска од фабрички декларираната – според Mitsubishi, Space Star би требало да троши 4 литри гориво на 100 изминати километри. Во рацете на Felix, Space Star опремен со 1.2 литарски бензински мотор со 80 коњски сили и старт/стоп функција со само еден резервоар гориво, односно 37.65 литри успеа да помине точно 1111 километри. Според тоа, Space Star потрошил 3.38 литри на 100 изминати километри, односно 17% помалку од декларираното. Патувањето траело 20 часа, а просечната брзина била 55 километри на час.
Space Star за само неколку дена ќеја има својата премиера во Скопје, а ние ќе ви ги пренесеме нашите првични импресии од овој изненадувачки економичен автомобил.
