Иако до пред некој ден мислевме дека суперавтомобилите можат да бидат превозно средство на спроведувачите на законот само во видео игрите, полицијата на Дубаи ни го покажува спротивното.
Неодамна нивниот возен парк беше збогатен со Chevrolet Camaro, Ferrari FF и Lamborghini Aventador, a сега им се приклучуваат и Aston Martin One-77, Mercedes-Benz SLS AMG и Bentley Continental GT. Разбираме дека овие автомобили се потребни бидејќи можат да се вклучат во потери со огромни брзини, но навистина е несфатливо и зачудувачки зошто на полициски оддел би му бил потребен еден од 77-те ултра егзотични примероци од One-77, вреден 1.5 милиони евра. Само за потсетување, реткиот модел на Aston Martin го погонува 7.3-литарски природно аспириран V12 агрeгат со 750кс.
Сепак, ова не е целосната флота на полицијата во Дубаи, бидејќи во нивните редови наскоро се очекува да пристигне и Bugatti Veyron, способен да постигне над 400 км/ч!
