Германската тјунинг компанија Lumma Design претстави козметички пакет за новиот Range Rover Sport.
Иако моделот сеуште не е пристигнат во салоните, новата генерација на Range Rover Sport веќе доби естетски третман од Lumma Design. Наречен CLR RS, широкиот бодикит му дава поагресивен изглед на кросоверот, а се состои од додатоци на крилата, странични прагови, преден браник со вметнати LED дневни светла и заден браник со интегриран дифузер.
Тука е исто така и заден кровен спојлер, како и специјален издувен систем со четири правоаголни издувни цевки, заедно со неколку модели на 22 и 23 инчни фелни. Новиот Range Rover Sport исто така доби и мало олеснување благодарение на новиот вентилирачки поклопец на моторот направен од јаглеродни влакна.
