Најновите вести најавуваат дека третата генерација на најбрзата RS верзија од Focus ќе излезе на пазарот во 2015.
Новиот 2.3-литарски четири-цилиндарски EcoBoost агрегат ќе биде потпомогнат од турбополнач и директно вбризгување, и ќе призведува вкупно 335 кс, кои ќе се испорачуваат само кон предните тркала, иако претходно се најавуваше дека моделот ќе располага со погон на сите тркала.
Оваа погонска единица најверојатно ќе го најде своето место и во палетата на мотори кај наредниот Mustang, кој ќе биде достапен и на Европскиот пазар. Претпоставуваме дека ќе има разлика во бројот на коњски сили помеѓу Focus RS и Mustang.
Се очекува следната генерација на Focus RS да се нуди на Европскиот пазар по цена од околу 40,000 евра.
