Жирито тукушто ги објави резултатите од гласањето, и автомобил на годината во Македонија за оваа година е Seat Leon!
Листата на финалисти беше објавена пред неколку седмици, а денес го имаме и овогодинешниот победник. Денес со задоволство можеме да објавиме дека жирито одлучи Автомобил на Годината во Македонија за 2013 да биде токму третата генерација на Seat Leon. За Leon гласале четворица од шестмината судии, додека двајца гласале за Peugeot 301.
Оваа година по втор пат се избира и SUV на годината. Минатата година победник беше SsangYong Korando а оваа година наградата ја освои Mitsubishi Outlander. Покрај оваа награда, годинава специјално признание за адекватност на македонскиот пазар ќе добие Peugeot 301.
Колку да Ве потсетиме, кандидатите за оваа година беа:
- Dacia Lodgy
- Great Wall Hover H5
- Kia Optima
- Mercedes-Benz A-Class
- Mitsubishi Outlander
- Peugeot 301
- Seat Leon
- Honda Civic
На победниците им честитаме за добиените награди, а на сите кандидати им посакуваме многу успех оваа година и многу продадени автомобили!
