Новата трета генерација на BMW Mini пристигнува за само 12 месеци од сега и ветува драстичен чекор нанапред во управување, перформанси и квалитет.
Наскоро палетата на модели на Британскиот бренд ќе се состои од вкупно 11 различни возила поставени на UKL1 платформата на BMW, со што ќе се намалат производните трошоци, а ќе се зголеми квалитетот. Сите досегашни Mini модели ќе бидат заменети и ќе има најмалку три дополнителни нови модели.
Дизајнот на третата генерација ќе биде најмногу инспириран од Rocketman концептот, а тука ќе биде и новиот петвратен компакт со кратки задни врати главно замислени да овозможат подобар влез на задната клупа на деца. Countryman се очекува да стане уникатен кросовер, за разлика од сегашниот модел кој изгледа како петвратен хечбек на повисока суспензија. Clubman ќе стане подолг и поширок, па се очекува да биде спортски караван. Сепак, најверојатно неговите ‘club door’ задни врати ќе бидат укинати.
Покрај најспортските модели, сите модели на Mini ќе бидат погонувани од новиот 1.5-литарски три-цилиндарски агрегат на BMW, во бензински и дизел верзии. Во понуда ќе бидат шест-степен рачен менувач и осум-степена автоматска трансмисија, додека подоцна ќе биде понуден и погон на сите тркала кај повеќето модели.
Извор: autocar.co.uk
