Два фанови на Италијанскиот бренд, Џорџ М. и Флоријан Ј., кои работат во автомобилската индустрија, претставија нивна идеја за агресивен грантуризмо автомобил наречен 6C Cuore Sportivo.
Последниот вистински спортски автомобил излезен од Alfa Romeo беше 8C Competizione, кој ја делеше платформата и V8 агрегатот со Maserati Granturismo, понуден во ограничена бројка во периодот од 2007 до 2010. Наскoро, Италијанците ќе имаат на распоред уште најмалку два нови спортски модели – 4C и наредниот Spider базиран на Mazda MX-5. Се очекува и двата модели да бидат помалку спектакуларни од 8C, но исто така и далеку подостапни.
Концептот дизајниран од двајцата дизајнери, 6C Cuore Sportivo, e направен да оддаде почит на легендарните Alfa Romeo грантуризмо автомобили со тоа што во неговиот дизајн има имплементирано повеќе елементи од нив, но во модерен стил. Овој проект, кој опфаќа различни периоди од историјата на Италијанскиот бренд, бил создаден во текот на дискусија помеѓу двајцата страстни Алфисти.
Од предниот дел инспириран од 6C 2500 Sport Touring berlinetta, до задниот кој заликува на 8C Competizione и спортистот од шеесетите 33 Stradale, на автомобилот јасно се изразени гените на Biscione. Покрај класичните облини и остри линии, 6C селосно плени со нов ретро изглед. Предниот дел е далеку поагресивен од задниот, кој изгледа повоздржан, а целиот стајлинг на автомобилот е воден од V форма.
