Maserati ги објави сите технички детали за новиот Quattroporte, вклучувајќи спецификации за некои од верзиите.
Quattroporte ќе се нуди во избор со 3.0-литарски V6 и 3.8-литарски V8 агрегати. Послабиот мотор ќе се продава со заден и со погон на сите тркала, додека појакиот доаѓа само со заден погон. Двата агрегати се усогласени со осум-степена автоматска трансмисија која тежи четири килограми помалку од досегашниот шест-степен менувач.
Шест-цилиндарскиот твин-турбо мотор произведува 410 кс и има максимален вртежен момент од 550 Nm. Со погон на задните тркала забрзува од 0-100 км/ч за 4.9 секунди, додека со погонот на сите четири забрзувањето трае 0.2 секунди пократко, а има максимална брзина од 285 км/ч. Поголемиот осум-цилиндарски агрегат испорачува 530 кс и 710 Nm вртежен момент, кои му овозможуваат забрзување од 0-100 за 4.7 секунди пред да ја достигне максималната брзина од 307 км/ч.
Сите модели ќе бидат стандардно опремени со 20-инчни, но ќе бидат достапни и со 19 и 21-инчни фелни.
