Новата, трета генерација на премиум хечбекот од Инголштад пред само неколку часа ја имаше својата премиера пред Македонската јавност!
Денес ни беше претставена верзијата со 3 врати, додека Sportback верзијата ја очекуваме наскоро. Доаѓа со цела лепеза бензински и дизел агрегати, почнувајќи од 1.4 TSI со 122 коњски сили и 1.6 TDI со 105 коњски сили. Моделот е базиран врз новата MQB платформа, а тоа значи намалена тежина, зголемени перформанси и одлични возни својства.
Дизајнот е типичен за Audi – односно воздржан но елегантен и агресивен. Верзијата со три врати ја има таа привилегија да изгледа уште поспортски. Во внатрешноста како што и очекувавме се користени исклучиво високо-квалитетни материјали.
Цените започнуваат од 20.642 евра за 1.4 TFSI со 122 коњски сили и Attraction ниво на опрема. Ambition започнува од 22.400 евра со истиот мотор. Може да се нарача и со 1.8-литарскиот TFSI кој нуди 180 коњски сили. Кај дизелите, понудата започнува од 22.098 евра за 1.6 TDI Attraction со 105 коњски сили. На врвот е Audi A3 2.0 TDI Ambiente со 150 коњски сили за 29.899 евра.
Се надеваме дека наскоро ќе ја имаме можноста подобро да се запознаеме со Audi A3, кој е сериозен конкурент во класата на премиум хечбек автомобили.
