Откако неодамна објавија дека ќе соработуваат во развивањето на нови модели, денес GM и PSA групацијата објавија дека ја продлабочуваат соработката.
Неодамна се шпекулираше дека GM дури размислува да ја спои својата Европска дивизија – Opel – со PSA групацијата. Со тоа ќе се создадеше еден производиел кој е доволно голем да застане рамо до рамо со останатите конкуренти. Лошата состојба во која се наоѓа Opel го тера Американскиот сопственик да размислува за вакви екстремни чекори.
Сепак, денес GM и PSA објавија дека ја продлабочуваат соработката – и тоа:
- Прифатени се развојни проекти за четири заеднички возила.
- Преземени се следните чекори кон заедничката набавка на делови.
- Потврдена е целта да се заштедат до две милијарди долари годишно.
Ова е продолжување на Master спогодбата која ја потпишаа на 29ти Февруари годинава. Интересна е алијансата помеѓу Opel и PSA. Да се надеваме дека од ова ќе произлезат модели кои ќе бидат интересни за купувачите.
