Porsche ја претстави најсилната верзија од втората генерација на Porsche Cayenne со новиот Turbo S модел со 550 кс.
Инженерите на Porsche го засилиле 4.8-литарскиот V8 агрегат со 500 кс од Turbo верзијата, со помош на нов систем за довод на воздух, зголемен притисок на турбополначот и репрограмирана електронска единица, на 550 кс и 750 Nm вртежен момент, правејќи го Turbo S најмоќниот Cayenne модел.
Неговото забрзување од 0-100 км/ч се одвива за 0.2 секунди пократко, додека максималната брзина е зголемена за 5 км/ч, споредено со моделот Turbo. Просечната потрошувачка на гориво, како и емисијата на издувни гасови останаа исти како и претходно со 9.5 литри бензин на 100 км и 260 грама CO2 на километар. Тоа значи дека Cayenne Turbo S забрзува до 100 километри на час за 4.5 секунди, а максималната брзина е 283 километри на час!
Cayenne Turbo S надворешно скоро и да не се разликува од Turbo верзијата. Дискретните надворешни измени кои се состојат од црни сјајни рамки на предните светла и надворешни ретровизори, како и новите 21-инчни тркала му помагаат на Turbo S да го истакне поспортскиот карактер. Во внатрешноста се среќаваат елементи од карбон и нов кожен ентериер.
