Вчера официјално го претставивме новиот Auris, но сега Toyota не почести со повеќе фотографии од агресивниот Auris!
Пред официјалната премиера на Auris, која е закажана за саемот во Париз, Toyota направи една онлајн премиера која ни го покажа лицето на втората генерација на овој модел.
Да се потсетиме дека сега Auris е полесен за 40 kg! Европската верзија ќе биде понудена со три мотори, меѓу кои 1,4 литарскиот турбо-дизел, 1,33 литарскиот бензинец, како и 1,6 литарскиот дизел мотор!
Повеќе детали за перформансите на моторите сеуште нема, но знаеме дека Auris ќе има и своја хибридна верзија која го носи 1,8 литарскиот бензински агрегат кој е во комбинација со електричен мотор со никел-метал хибридни батерии.
Фотографиите се од Јапонската верзија од Auris, која освен различните мотори нема никакви разлики во дизајнот!
